ਰਾਜ ਨਹੀ , ਸੇਵਾ !!

ਸਿਰਾਂ ਉੱਤੇ ਡੰਡੇ ,
ਗਲਾਂ ਵਿੱਚ ਪੱਗਾਂ !
ਉਖੜੇ ਹੋਏ ਪੈਰ ,
ਵਿਗੜੀਆਂ ਹੋਈਆਂ ਸ਼ਕਲਾਂ |
ਗੁੱਤਾਂ ਖਿਚ ਕੇ ਘ੍ਸੀਟੀਆਂ ਬੀਬੀਆਂ ,
ਪੈਰਾਂ ਵਿੱਚ ਚੁੰਨੀਆਂ !
ਪੁਲਿਸ ਦੀ ਕੁੱਟ , ਗਰ੍ਭਾਂ ਦਾ  ਕਤਲ !
ਟੈਂਕੀਆਂ ਤੇ ਚੜੇ ,
ਪੇਟ੍ਰੋਲਾਂ ਦੇ ਤੁਮ੍ਬੇ ,
ਬਲਦੀਆਂ ਜਿੰਦਗੀਆਂ ,
ਬੁਝਦੇ ਹੋਏ ਦੀਵੇ |
ਲਟਕਦੀਆਂ ਰੱਸੀਆਂ ,
ਭਟਕਦੇ ਕਿਸਾਨ |
ਡੁਲੀਆਂ ਹੋਈਆਂ ਲ੍ਸੀਆਂ ,
ਪੀਤੇ ਗਏ ਜ਼ਹਿਰ |
ਡੋਰ ਭੋਰ ਖੜੀਆਂ ਧੀਆਂ ,
ਧੁੱਤ ਪਿਆ ਪੁੱਤ |
ਫਸਲਾਂ ਵਿੱਚ ਅੱਗ ਦਾ ਚੰਗਿਆਰਾ ,
ਜਿੰਦਗੀ ਵਿੱਚ ਘੁੱਪ ਹਨੇਰਾ |

ਪੁਲਿਸ ਦੀ ਕੁੱਟ ,
ਨੇਤਾਵਾਂ ਦੀ ਲੁੱਟ |
ਹਰ ਪਾਸੇ ਬਸ ਇੱਕ ਹੀ ਟੇਵਾ ,
"ਇਹ ਰਾਜ ਨਹੀ , ਸੇਵਾ ਹੈ |"
"ਇਹ ਰਾਜ ਨਹੀ , ਸੇਵਾ ਹੈ |"